Gobernador puwedeng abangan

Halos paparating pa lang sa susunod na Sabado’t Linggo ang pinakaaabangan na ikatlo at huling yugto ng “Hopeful” at “Triple Crown” stakes races para sa taong ito ayon sa pagkakasunod ay nakababasa na tayo ng mga magaganda at malalaking pakarera sa tatlong pista sa bansa.

Katulad na lamang bukas, araw ng Linggo sa pista ng Metro Turf ay umaatikabong mga hanay ng takbuhan ang inihanda para sa pakarera ng mga trainers na pinangungunahan ng kanilang presidente na si Kap. Oliver Franco. Kaya tiyak na darayuhin ng mga BKs ang tampok na pakarera nila sa Malvar. Ngayon pa lang ay binabati ko na ang inyong samahan at harinawa’y mabigyan ninyo ng kasiyahan ang mga karerista.

Mga puwedeng abangan pagbalik ng pakarera sa Sta. Ana Park ay ang mga kabayong sina Gobernador, Watershed, Penny Perfect, Orthodox, Little Gem, Just Joe King, Show Me Magic at Honour Class.

Fred L. Magno