Blatche kasama sa Gilas sa Europa

KINOMPIRMA ni Gilas Pilipinas coach Chot Reyes na makakasama na ng kanyang national team ang bagong naturalized na manlalarong si Andray Blatche sa kanilang biyahe sa Europa sa susunod na buwan.

Lalaro ng ilang mga tune-up games ang Gilas sa ilang mga bansa sa Europa sa loob ng siyam na araw bago sila tumulak patungong Espanya para sa FIBA World Cup.

“It’s a choice between going to the FIBA World na a little bit tired but more prepared or being fresh and not knowing each other,” wika ni Reyes sa panayam ng InterAksyon.com bago ang laro nila kontra Iran sa semifinals ng FIBA Asia Cup kahapon. “We will have Andray Blatche for the first time. We don’t want to go to the World Cup without Andray Blatche being able to play for us for at least eight or nine games.”

Idinagdag ni Reyes na kasama rin sa biyahe ng Gilas sa Europa sina Marcus Douthit at ang 17 na manlalarong kasama sa national pool.

“Once we are in Spain , we will have to make a choice. That’s one of my ways to make sure na hindi naman sila ma-injure so kailangan magsasalit-salit sila,” ani Reyes. “It’s really a choice kung medyo pagod ka or sunog ka, or hindi naman kayo magkakakilala. I chose the former.”

Sa pag-uwi ng Gilas mula sa Wuhan , Tsina, lalaro sila ng dalawang tune-up games kontra sa mga NBA All-Stars sa Hulyo 22 at 23 sa Smart Araneta Coliseum.

Ilan sa mga NBA All-Stars na sasama sa biyahe patungong Pilipinas ay sina Kawhi Leonard, James Harden, Paul George, Blake Griffin at DeMar DeRozan.

Umatras na si Paul Pierce sa biyahe dahil sa ilang mga personal na bagay.

Ni JAMES TY III