Mga beki, deadma na sa actor dahil matanda na at may asawa pa

AKALA naman namin talaga ngang nagbago ang isang male star dahil may asawa’t anak na siya pero hindi pa rin pala, dahil panay pa rin ang kanyang paramdam sa kanyang mga gay friend.

Ang masakit lang, kung noon ay pinag-aagawan siya, ngayon ay mukhang deadma na sa kanya ang kanyang mga gay friend, kasi bukod nga sa may asawa’t anak na siya, matanda na siya at pinagsawaan na rin nila. Eh hindi naman siya natutong umarte talaga kahit na anong workshop pa ang kanyang sinalihan eh kaya wala rin naman siyang career.

Iyang mga ganyan ang kawawa sa showbusiness. Ano pa nga ba ang mangyayari sa kanya? Siguro nga mas mabuting magtinda na lang siya ng puto at kutsinta.

ni Ed de Leon