Meg, happy na naging Top 20 sa 100 Sexiest Women

ni Roldan Castro

UMABOT sa Top 20 si Meg Imperial bilang Philippines 100 Sexiest Women kompara last year na nasa rank 37 siya. Malaking tulong talaga ang pagbibida niya sa Moon of Desire para lalo siyang makilala at mapasama siya sa Top 20.

Ano ang feeling?

“Siyempre ano, hindi  naman ako nagpaboto  o something. Overwhelmed kasi kinu-consider ako ng mga tao na sumusuporta sa FHM. So, happy,” aniya pa.

Sa palagay ba niya deserving si Marian Rivera na number 1 at tinalo ang kapatid niya sa pangangalaga ng Viva at ni Claire Dela Fuente na si Sam Pinto?

“I think oo, she is… kasi ‘yung  cover niya, gustong-gusto ko rin, eh,” tugon niya.

Gusto rin ba niyang mag-effort na someday ay maging no. 1 siya?

“Hopeful din na maging ganoon pero siguro sa ngayon parang hindi muna,” aniya.

Pangalawang taon pa lang daw niya sa FHM at hindi rin niya expected na mapasama siya sa Top 20.

‘Yun na!