Tsikas sa Park minanyak

KALABOSO ang isang manyakis na kelot nang tangkaing gahasain ang tulog na tsiks habang katabi ang nobyo sa Navotas City kahapon ng madaling araw.

Kasong Attempted Rape ang kinakaharap ng suspek na si Alvin Saavedra, 29, ng Block 3, Kadima St., Brgy. Tonsuya, Malabon City.

Sa ulat ni SPO2 Belany Dizon, ng Women and Children Protection Desk (WCPD), dakong 4:30 a.m., nang tangkaing reypin ng suspek ang biktima habang nasa madilim na lugar sa Centennial Park, sa C-4 Road, Brgy. North Bay Boulevard North (NBBN).

Ayon sa biktimang itinago sa pangalang Armina, 31, ng Block 2, Flovi Homes, Brgy. Tonsuya, Malabon, magkatabi sila ng kanyang boyfriend na natutulog sa bangko ng park nang maramdaman niya na may humahalik sa kanyang leeg na amoy alak at humihimas sa kanyang tiyan.

Sa kanyang pagdilat ay nakita niya ang suspek kaya sumigaw siya at nakaagaw ng atensyon sa mga tao at nahuli ang suspek habang tumatakas.

(ROMMEL SALES)