Granada inihagis ng tandem 2 kritikal

DALAWA katao ang sugatan nang tamaan ng shrapnels matapos hagi-san ng granada ng isang lalaking lulan ng motorsiklo sa Binondo, Maynila kahapon.

Isinugod sa Jose Abad Santos General Hospital ang mga biktimang sina Eloisa Guttierez, 38, vendor, ng Block 1, Unit 83, Baseco Compound, Port Area, Maynila; at Ferdinand Cabaldo, negos-yante, ng Ugong St., Sta. Mesa Hills, Quezon City.

Sa ulat ng Juan Luna Police Community Precinct, alas-2:00 p.m. nang maganap ang pagsabog sa harap ng tindahan ng Lito Whole Saler Sako sa 718 Caballero St., Binondo, Maynila.

Ayon kay SPO3 Henry De Vera, bago maganap ang pagsabog, una nang may nadakip na da-lawang trahabador sa nabanggit na establisimyento na umano’y may naka-binbing warrant of arrest sa kanilang lalawigan.

Pagkatapos ay dumating ang isang lalaking sakay ng motorsiklo at huminto sa tapat ng tindahan at naghagis ng granada.

Nagkataong dumaraan ang mga biktima nang sumabog ang gra-nada.

Ayon sa Manila Police District- Explosive Ordinance Division (MPD-EOD), isang MK2 Fragmentation Hand Grenade ang Granada na su-mabog. (LEONARD BASILIO)