Ikaw Lamang at Dyesebel stars, pinagkaguluhan

Dinagsa ng libo-libong fans at TV viewers ang ginanap na back-to-back fans’ day ng dalawang top-rating primetime teleserye ng ABS-CBN na Ikaw Lamang at Dyesebel. Umapaw ang saya, kilig, at musika sa Market! Market! Activity Center noong Sabado at Linggo (Hulyo 5 at 6) sa mga sorpresang inihanda ng Ikaw Lamang stars na sina Coco Martin at Julia Montes, at ng Dyesebel love team nina Anne Curtis at Gerald Anderson. Kasama nina Coco at Julia noong Sabado ang official soundtrack singers ng Ikaw Lamang na sina Juris at Marion Aunor, samantalang kasama naman nina Anne at Gerald noong Linggo ang mga kaibigan ni Dyesebel (Anne) na sina Pinky Pusit at Karlo Kabayo. Ang master teleseryeng Ikaw Lamang at pinakabagong TV adaptation ng Mars Ravelo classic na Dyesebel ay parehong obra na nilikha ng Dreamscape Entertainment Television.