HATAW! D'yaryo ng Bayan hatawtabloid.com
ni Pilar Mateo
SI Erich Gonzales, magpapakasal na?
Sinasabing 2010 niya nakilala ang non-showbiz boyfriend niya. At nag-propose na ito sa kanya noong 2012. What does 2014 hold in store?
“Ay grabe! Hindi pa pinag-uusapan kasi alam niya there’s work to do for me. May movie (‘Once A Princess’) kami ni Enchong (Dee) with JC de Vera. So, all out naman ang support niya in all that I need to accomplish!”
And excited siya with her MMK take sa Sabado.
Isang modelong beauty queen na may kapansanan sa paningin ang ita-tackle na karakter ni Erich sa isa na namang kaabang-abang na episode ng MMK (Maalaala Mo Kaya) ngayong Sabado, July 12 sa ABS-CBN.
Bilang si Jessa, inspirasyon upang patuloy na lumaban sa buhay sa kabila ng mga pagsubok ang ibabahagi ng kanyang istorya sa mga manonood.
Sa edad 18, tuluyan nang nawala ang paningin ni Jessa na namana ang glaucoma mula sa kanyang ina. Tuklasin sa MMK kung paano tinahak ng isang batang lumaking inaapi sa eskuwelahan ang daan tungo sa tagumpay lalo na nang maging guro siya ng mga estudyante na may kapansanan din sa paningin at koronahan siya bilang Miss Philippines on Vision 2013.
Tampok din sa naturang episode sina Irma Adlawan, William Lorenzo, Nikki Bagaporo, Abby Bautista, Bianca Bentulan, Ogie Escanilla, Louise Bernardo, Joe Gruta, Amy Robles, Dionne Monsanto, Nina Ricci Alagao, at Koreen Medina. Ito ay idinirehe ni Nuel Naval mula sa panulat ni Joan Habana. Ang MMK ay pinamumunuan ng business unit head nito na si Malou Santos at creative manager na si Mel Mendoza-del Rosario.
Sa kanilang taping nakasama ni Erich ang letter-sender na nagbigay ng ibayong emosyon sa mga personal na kuwento nito.
Sa loob ng 23 taon, bahagi na ng bawat pamilyang Filipino saan man sa mundo ang Maalaala Mo Kaya na bawat Sabado ay nagpapaluha, nagpapangiti, at nagbibigay-inspirasyon sa TV viewers sa pamamagitan ng mga totoong kuwentong buhay na ibinabahagi ng letter-senders ng programa.
Huwag palampasin ang longest-running drama anthology sa Asya, MMK, tuwing Sabado sa ABS-CBN. Para sa iba pang updates, mag log on sa MMK.abs-cbn.com, sundan ang @MMKOfficial sa Twitter, at i-like ang Facebook.com/MMKOfficial.
