Baby Nate, marunong nang magbasa

ni john fontanilla

MASAYANG ikinuwento ng Let‘s Ask Pilipinas Season 2 host na mapapanood simula July 7, 11:15 a.m. mula Monday hanggang Friday sa TV5 na si  Ogie Alcasid na ang  kanyang 2 ½ baby boy na si Nate  ay marunong nang magbasa.

Tsika pa ni Ogie, nagulat nga raw sila ng kanyang maybahay na si Regine Velasquez nang malaman nilang marunong na magbasa si Nate.

Dagdag pa ni Ogie na plano na nga nilang sundan si Baby Nate, pero hindi sila makabuo pero pinipilit daw nila para magkaroon ng kapatid si Nate. Kahit nga daw busy sila ni Regine sa rami ng kanilang trabaho ay gumagawa pa rin sila ng paraan ni Regine para masundan si Nate.

Kuwento naman ni Ogie na malaking pressure sa kanya ang paghalili bilang host ng Let‘s Ask Pilipinas lalo na‘t masyadong nag-click sa mga manonood si Aga Muhlach, pero gagawin niya ang lahat-lahat para ‘di man mahigitan ay mapantayan niya ang energy ng actor sa pagho-host ng inaabangang interactive game show sa bansa.