HATAW! D'yaryo ng Bayan hatawtabloid.com
TATLONG estudyante kabilang ang isang babae ang patay at kritikal ang dalawang kasama nang barilin ng pinaniniwalaang away sa fraternity habang nanonood ng telebisyon kamakalawa sa Rodriguez, Rizal.
Kinilala ang mga namatay na sina Nathaniel Bacolod, 22, ng Blk. 20, Lot 24, Southville 8B, Brgy. San Isidro; Junmer Paraon, 22, ng nasabing lugar. at si Susan Mamaril, 21.
Nilalapatan ng lunas sa Amang Rodriguez Medical Center (ARMC) ang dalawang pang mag-aaral na sina Roberto Moral, 23, ng Blk. 20, Lot 36, Southville at Pascualito Perlito, 21, ng Blk. 18, Lot 26, sa nasabi rin lugar.
Sa imbestigasyon ni SP01 Gerry Cordero, dakong 11:00 a.m. masayang nanonood ng telebisyon ang magkakaibigan nang pumasok ang hindi nakikilalang suspek sa gate ng bahay ni Bacolod at sila ay pinagbabaril.
Inaalam na ng pulisya kung may kinalaman sa fraternity war ang insidente.
(ED MORENO)
