HATAW! D'yaryo ng Bayan hatawtabloid.com
DALAWA ang kompirmadong patay at apat ang sugatan sa pagsabog ng bala ng M79 Upper Lumasal, Maasim, Sarangani Province kamakalawa.
Kinilala ni Eden Alcala, midwife ng Maasim Municipal hospital, ang dalawang namatay na sina Rolando Tamuay, 32, at Jenny Dula, 36.
Nagkalasog-lasog ang katawan ng mga biktima dahil sa lakas ng pagsabog.
Nabatid na naglilinis ng farm si Tamuay nang makita niya ang bala ng M79 at dinala sa kanyang bahay.
Nilinis ni Tamuay ang bala at ibinilad sa araw dahil planong ipagbili sa junkshop ngunit biglang sumabog.
Nasugatan din sa ulo sa nasabing insidente ang asawa ni Tamuay na si Laila, tatlong buwan buntis; Dinah Abey, 32, nagkasugat sa paa at kamay; Maming Cabelol, 55; at ang 4-anyos na si Jinky, pawang nilalapatan ng lunas sa General Santos City Hospital.
(BETH JULIAN)
