HATAW! D'yaryo ng Bayan hatawtabloid.com
ni Dominic Rea
NAKAKALOKA talaga kapag sina Kathryn Bernardo at Daniel Padilla ang gumagawa ng pelikula. Hindi pa man natatapos ang shooting ng She’s Dating The Gangster lalo na nang nakompirma na ng Star Cinema ang playdate nito, aba’y naglipana ang block screening ng movie mula Luzon, Visayas, at Mindanao.
Nakatutuwa dahil kanya-kanyang block screening ang napakaraming fans group/club ng dalawang bida sa pelikula at pati kami ay nakatanggap na rin ng imbitasyon for it.
Ibang klase ang istorya ng SDTG kasi bagets na bagets ang tema nito na sa totoo lang ay tumugma sa karakter in real nina Kath at DJ na medyo kikay si Kath at astig naman si Daniel. Sobrang nakatutuwa ang fanatics ng dalawa dahil kahit sa social media ay sobrang nakasuporta ang mga ito kaya naman during the presscon of SDTG ay nagpasalamat ang dalawa sa kani-kanilang supporters.
At bilang publicist naman ni Daniel, nakaranas na rin ako ng pamba-bash sa social media na hindi lang isang beses kundi apat na beses na. Pero hindi ko na ininda ‘yun dahil ganoon talaga ang buhay at kasama na ‘yan sa aking trabaho at obligasyon para sa aking apo!
Basta, tuloy-tuloy lang ang biyaya sa KathNiel ay masaya na rin ako bilang lola! SDTG showing na guys simula ngayong July 16 in cinemas nationwide.
