P7-M shabu itinago sa sandals, nabisto

CAGAYAN DE ORO CITY – Nabawi ng pinagsanib na pwersa ng mga awtoridad mula sa isang hinihinalang drug pusher ang tinatayang P7 million halaga ng shabu sa siyudad ng Iligan.

Sa entrapment operation ng Philippine Drug Enforcement Agency (PDEA), naaresto ang suspek na si Mansawi Sumangcad Odin, tubong siyudad ng Marawi.

Inihayag ni PDEA regional director Emerson Margate, nakuha sa posisyon ng suspek ang 34 packs o isang kilo ng shabu na inilagay sa 16 piraso ng tsinelas pambata na nagmula sa Caloocan City.

Sinabi ni Margate, ang nabanggit na kontrobando ay idinaan sa isang mail courriers ng Iligan City at balak sanang e-claim ng suspek.