Vaness at Biboy, matagal nang hiwalay

ni John Fontanilla

”It‘s over!” ito ang pahayag ng Starstruck batch 3 alumni na si Vaness Del Moral sa napapabalitang hiwalayan nila ni Biboy Ramirez na tumagal din ng ilang taon. Isang taon halos kinimkim ni Vaness ang paghihiwalay nila ni Biboy at hindi nagsalita o sumasagot sa katanungan kung kamusta na ba ang kanilang relasyon.

Kuwento ni Vaness, akala daw nito ay maaayos pa ang kung ano mang gusot sa kanila ni Biboy kaya naman mas pinili muna niyang manahimik at wag magsalita. Pero hindi na talaga nagwo-work ang kanilang relasyon kaya naman pareho na silang nag-decide na tuluyan nang wakasan ang kanilang relasyon.

Ayaw na lang daw idetalye ni Vaness sang buong kuwento ng kanilang hiwalayan, mas binibigyang oras na lang nito ang kanyang trabaho.

Ayaw na muna nitong ma in love dahil ayaw niyang masaktan muli. Happy to be single ngayon ang motto ni Vaness na kahit nakangiti ay mababakas mo ang kalungkutan dahil marahil sa kanilang hiwalayan ni Biboy.