Kapoteng pvc may tama sa utak ng tao

PINAG-IINGAT ang mga magulang ng isang ecological group sa pagpili ng mga kapote na kanilang bibilhin para sa kanilang anak para proteksyon sa ulan .

Nadiskubreng ilang kapote o raincoat ang gawa sa polyvinyl chloride (PVC) plastic ang may toxic additives tulad ng lead.

Batay sa EcoWaste Coalition, nakabili sila sa Divisoria at Baclaran ng mga PVC raincoats na ipinagbibili sa halagang P130 hanggang P200 at nang suriin ay nadiskubreng positibo sa “excessive lead.”

Dahil dito, hinikayat ng grupo ang mga magulang na humanap ng mga non-PVC rain gears o yaong mga gawa sa alternatibong rain-repulsing materials na may pinakakaunting toxic components.

Ayon sa grupo delikado ang lead sa tao, lalo sa mga bata, dahil maaari itong maging dahilan ng permanenteng pinsala sa utak.

Kaya’t pinag-iingat ng grupo ang publiko o mga magulang sa pagpili ng kapote para sa kanilang mga anak.

(Jaja Garcia)