Bangkay ng sanggol sa sako iniwan sa mini-bus

ISANG bangkay ng bagong panganak na sanggol ang natagpuan sa loob ng isang pampasaherong bus sa Cavite City kahapon.

Sa ulat ni PO3 Jonathan Baclas, may hawak ng kaso, dakong 11:00 a.m. nang matagpuan sa mini-bus, may plakang DXR-221, minamaneho ni Ogie Morillo ang lalaking sanggol na kapapanganak lang.

Ayon sa barker na si Roselito Boac, habang nakapila sa terminal ang mini-bus ay napansin niya ang isang kahina-hinalang sako na nasa upuan sa loob ng bus.

Nang siyasatin ang bag ay tumambad ang patay na sanggol kaya inireport agad sa pulisya.

Inaalam na ng pulisya ang pagkakakilanlan ng nagtapon ng sanggol sa nasabing bus.

ni Beth Julian