Dasal para kay Miriam vs cancer bumuhos

BUMUHOS ang pag-aalay ng dasal ng netizens para sa ikagagaling ni Miriam Defensor-Santiago sa sakit na lung cancer.

“Nakaka-sad malaman na may stage 4 lung cancer si Sen. Miriam Santiago. Please pray for her… Please help me to pray for Sen. Miriam who still fight for the right and the truth even she has a stage 4 lung cancer,” ayon sa isang netizen.

Ikinagulat din ng mga kasamahang senador ang pagkakaroon ng stage 4 lung cancer ni Santiago.

Ayon sa nakakulong na si Sen. Ramon “Bong” Revilla, Jr., ikinagulat niya ang biglaang karamdaman ng senadora kaya’t ipinagdarasal niya ang agarang paggaling ni Santiago.

“I was both surprised and saddened to learn about Sen. Miriam Defensor Santiago’s latest ailment. I will continue to pray for her health and recovery. Pagaling kayo ma’am. Lagi kayong nasa akin panalangin,” ani Revilla.

Habang ang kairingan ni Santiago na si dating senador at ngayon ay Rehabilitation Czar Ping Lacson, ay ayaw nang bumanat sa senadora at inihayag na ipagdarasal niya ang kanyang recovery.

“I will henceforth pray for her recovery. I say it in all sincerity. I am setting aside for good whatever animosities have been brought about by our exchange of harsh words,” ani Lacson.