HATAW! D'yaryo ng Bayan hatawtabloid.com
ni Alex Brosas
FINALLY, nagsalita na si President Noynoy Aquino at sinabi ang dahilan kung bakit niya tinanggal si Nora Aunor in this year’s National Artist roster ay dahil nasangkot at na-convict si Nora dahil sa droga.
“Ayoko na may mensahe na kung minsan puwede ang ilegal na droga. Or acceptable. Kung ginawa ko siyang National Artist, paano siya as a role model?
“Iginagalang ko siya. Kinikilala ko ang kanyang trabaho at mga obra pero ang prolema ko, mas mataas ang prioridad na may maliwanag na mensahe: zero tolerance sa drugs,” paliwanag ni PNoy.
That said, we felt na he is sending a wrong message. Kung ganoon ang stance niya, eh, bakit ‘yung mga cabinet member niyang sinasabing sangkot sa pork barrel scam ay hindi niya inalis sa puwesto, bagkus ay todo tanggol pa siya? Hindi ba dapat ‘yung mga kaalyado niyang isinasangkot sa pork barrel controversy ay tanggalin na niya?
Anyway, naglabas na ng saloobin si Ate Guy na nagpasalamat sa “lahat ng mga taong sumuporta at patuloy na sumusuporta sa akin sa panahong ito ng usapin tungkol sa National Artist Awards.
“Inaamin ko pong nasaktan ako sa mga nangyari. Pero ang dagsa ng suporta na nakita ko at naramdaman mula sa aking mga kababayan, mga katrabaho ko sa industriya, fans at mga kaibigan, mga pari at madre, mga guro at iba pang taga-akademya, mga taga-media, mga National Artist, mga pangkaraniwang mamamayan dito at sa ibang bansa, ay sapat-sapat na upang maramdaman kong maski wala mang tropeo o karangalang igawad sa akin ang mga nasa kapangyarihan, iniluklok naman ako ng mga kababayan ko habambuhay sa kanilang mga puso bilang isang artista ng bayan.”
Nagsuot ng black T-shirt si Ate Guy with this message: “Proud to be Filipino, Ashamed of my Government.”
Kami rin kami as we are ashamed of our government dahil ang pinakamalalaking magnanakaw ay nasa GOBYERNO.
