Ate Vi, napaakap kay Angel nang bigyan ng bubble wrap

ni Pilar Mateo

NAKATUTUWA naman ang isang kuwento ni Batangas Governor Vilma Santos sa kanyang mamanuganging mamanahing muli from her ang pagiging Darna na si Angel Locsin.

Nang magbalikan na raw ito at ang anak na si Luis (Manzano) at mag-dinner sa bahay nila, na agad niya raw itong niyakap, naaliw si Governor Vi sa pasalubong sa kanya ni Angel.

Ano raw kasi?

Bubble wrap! Kasi pala, ‘pag nagbibiyahe si Governor Vi, nagbibitbit daw siya nito. Gustong-gusto raw niya na pinuputok ito.

Therapy ba ‘yun for Gov. Vi?

Actually may mga iba pa kaming kilala na gustong-gusto na pinuputok ‘yun.

Isa pang nasambit lang daw ni Gov. Vi kay Angel eh, “You’re home!”

Kaya wala raw problema sa kanya kung isa sa mga araw na ito makatanggap na lang siya ng balita from Luis na magpapakasal na sila ni Angel.

“No problem. They’re mature enough to decide na for themselves. Excited na rin siyempre ako. Maging lola? Hindi! Momsie ang itatawag sa akin ng magiging apo ko and sana girl. Kasi, pinalibutan na ako ng boys. Puro barako na sila. Gusto ko naman ‘yung bibihisan ko.”

At papasok na sa politika si Luis?

“Hindi ko siya ine-encourage. It came from him. Hindi naman imposible. Everyday is a learning process sabi ko sa kanya. Hindi ka naman papasok lang doon para umupo. You will serve kaya kailangan mag-aral ka rin.”

Mahahalagang bagay sa Ina ng Batangas ang time management kaya nga raw naibabahagi niya ang oras niya simula sa pamilya hanggang sa mga anak niya sa kanyang bayan, ang good education at good health para sa kabataan and in making Batangas a safe place to live in na may peace and order!