HATAW! D'yaryo ng Bayan hatawtabloid.com
NALITSON nang buhay ang isang BS Biology student sa insidente ng sunog sa isang boarding house sa barangay Banilad, Cebu City.
Matinding sunog sa katawan na halos hindi na nakilala ang biktimang si Edrian Tecson, 17, 1st year BS Biology, ng Dipolog City, nang makuha ang kanyang katawan pagkatapos maapula ang apoy.
Ayon sa may-ari ng boarding house na si Sabilota Rosales, wala siya nang magkaroon ng sunog kaya hindi niya alam kung ano ang pinagmulan ng apoy.
Napag-alaman na lahat ng mga boarders ay nakalabas maliban lamang sa biktima na natutulog sa kanyang kuwarto.
Ayon sa ilang boardmates, inakala nila na wala sa loob ng kanyang kuwarto ang biktima dahil malakas na ang kanilang sigaw pero hindi pa rin lumalabas.
Nadamay ding nasunog ang may 30 residential houses na nagresulta sa kawalan ng tirahan ng higit sa 30 pamilya.
Inaalam pa ng Cebu City Fire Department ang sanhi ng sunog.
(Beth Julian)
