Angelica Panganiban, aminadong kasundo si John Lloyd sa inuman!

ni Nonie V. Nicasio

HINDI itinanggi ni Angelica Panganiban na nakaka-jamming niya sa inuman ang kasintahang si John Lloyd Cruz.

Sa panayam sa kanya ng idol kong si Anthony Taberna sa programa nitong Tapatan ni Tunying sa ABS CBN, sinabi ni Angelica na wala namang masama sa social drinking. Idinagdag pa ng aktres na wala naman siyang nakikitang hindi magandang ginawa si Lloydie mula sa pagiging manginginom.

“Ako kasi ang opinyon ko roon, hindi ko nakikitaan ng problema iyong pag-inom o iyong social drinking. Ang masama kung sumobra ka, may mga nangyayari nang hindi maganda, hindi ka na nakakapunta ng trabaho… hindi ka na nakaka-perform nang maayos.

“Hindi ko siya nakitaan ng ganoon,” esplika ng aktres.

Binigyang emphasis pa ni Angelica na wala silang sinasaktan o iniistorbong tao kapag sila ay nag-iinuman. “Kahit na uminom siya, wala siyang tinatapakang mga tao at ganoon din ako. Kaya siguro hindi kami naaapektuhan sa mga taong nagsasabi sa amin na, ‘Naku iyang dalawang iyan, lasenggo iyan.’ Kahit na siguro ano ang ipukol nila sa amin.”