Dalaga sumagot nang pabalang tinarakan ng madrasta

SUGATAN ang isang 18-anyos dalaga matapos saksakin ng kanyang stepmom nang sagutin nang pabalang habang pinangangaralan kamakalawa ng hapon sa Navotas City.

Kinilala ang biktimang si Analiza Alintan, 18, ng Tulay Uno, Brgy. Daanghari. Siya ay naka-confine sa Tondo General Hospital dahil sa isang saksak sa kaliwang hita.

Kusang-loob naman sumuko ang suspek na si Donna Diodece, 38, sinasabing kinakasama ng ama ng biktima.

Sa ulat ni SPO1 Resty Castillo, may hawak ng kaso, dakong 2:00 p.m. nang maganap ang insidente sa loob ng kanilang bahay.

Kauuwi pa lamang ng biktima nang salubungin ng sermon ng kanyang stepmom.

Pero sinagot nang pabalang na ikinagalit nang husto ng suspek.             (ROMMEL SALES)