HATAW! D'yaryo ng Bayan hatawtabloid.com
ni Ronnie Carrasco III
DALAWANG taon na pala ang anak ni John Estrada at ng kanyang Brazilian wife na si Priscilla Meirelles. Despite being a mother, Priscilla finds time pursue her local showbiz career.
Tulad na lang ng kanyang pagiging isa sa limang grand finalist sa showdown na mapapanood ngayong gabi sa Celebrity Dance Battle ng TV5.
Aminado si Priscilla na wala siyang formal dance lessons except for some grooves sa mga festival in her native Brazil. At nang mapadpad sa bansa, halos lahat na raw yata ng show ay nasayawan na niya.
But this does not make her overconfident na masusungkit niya at ng kanyang dancing partner ang P1-M grand prize, lalo’t hindi maaaring tawaran ang husay ng kanyang mga katunggaling sina Ciara Sotto, Iwa Moto, Rafa Siguion-Reyna, at Gary “El Granada” David ng PBA.
Samantala, hindi nakaligtas si Priscilla sa tanong if she sees herself reconciling her differences with John’s ex-wife na si Janice de Belen. Kung matatandaan, sa isang now-defunct showbiz talk show sa ABS-CBN na isa sa mga host si Janice ay nag-emote siya ng kanyang mga sama ng loob kay John, when the issue has already been buried a long time ago!
Sey ng Latina in the vernacular na pilit niyang binibigkas ng tama, “Kung barkada, okey lang pero para maging close friend ko siya, I don’t think so.”
Anyway, abangan kung sino ang kauna-unahang grand champion ng Celebrity Dance Battle ngayong 9:00 ng gabi hosted by Lucy Torres-Gomez with Semerad twins Anthony and David.
