PNoy muling nabiktima ng hecklers

NADESMAYA ang Palasyo nang muling maranasan ni Pangulong Benigno Aquino III ang paninigaw sa kanya ng apat na estudyante habang nagtatalumpati sa inagurasyon ng isang road widening project sa Iloilo City kahapon.                   Ito ang pangalawang insidente ng heckling sa Pangulo sa nakalipas na dalawang linggo, una ay kagagawan ni Ateneo de Naga psychology student Emmanuel Mijares sa Independence Day event sa Naga City.

”The President always makes it a point to be accessible to the people and one of them is through events such as the one in Iloilo. It is regrettable when some people try to lower the public discourse by merely engaging in shouting matches,” ayon kay Presidential Spokesman Edwin Lacierda.

Ngunit imbes mairita, pinasalamatan pa ni Pangulong Aquino ang apat na hecklers na mabilis na kinaladkad ng mga pulis palayo sa programa.

“Maraming salamat po sa kanila,” anang Pangulo sa apat na hecklers na sinundan ng palakpakan ng mga tao.

Nagtungo ang Pangulo sa Iloilo para pasinayaan ang multi-billion peso mega infrastructure projects sa lalawigan.

(ROSE NOVENARIO)