HATAW! D'yaryo ng Bayan hatawtabloid.com
UNTI-UNTI nang sinisimulan ng Department of Justice (DoJ) ang imbestigasyon laban kina Department of Budget Sec. Butch Abad at Department of Agriculture Sec. Proceso Alcala kaugnay ng pagkakasangkot sa kontrobersiyal na multi-billion peso pork barrel scam.
Ngunit tumanggi munang magbigay ng detalye si Sec Leila De Lima kung kailan ang pormal na pagsisimula dahil dumadaan pa sa vetting process ang mga listahan at affidavit na ibinigay ng binansagang “pork barrel queen” na si Janet Lim-Napoles.
Magugunitang idinawit ni Napoles ang dalawang opisyal na sinasabing nakinabang sa paggamit ng Priority Development Assistanc Fund (PDAF) ng mga mambabatas upang ilagak sa mga bogus na NGOs ng negosyante.
Sinasabing si Abad pa ang nagsilbing mentor ni Napoles upang turuan kung paano gawin ang scam.
Sa ngayon, dinedetermina ng DoJ sa kanilang vetting process kung may sapat bang basehan at ebidensiya ang pag-aakusa ni Napoles bago ito irekomenda sa Ombudsman.
