HATAW! D'yaryo ng Bayan hatawtabloid.com
CAGAYAN DE ORO CITY – Arestado ng pulisya ang tatlo makaraan maaktohan habang nagpa-pot session sa loob ng isang bahay sa Purok 2, Brgy. Puerto sa lungsod ng Cagayan de Oro.
Kabilang sa mga arestado si Porferio Moreno Roa Jr., kapatid ni Balingasag Vice Mayor Marietta Roa Abogado, ng Misamis Oriental.
Inihayag ni Misamis Oriental Governor Yevgeny Vincente “Bambi” Emano, ang nasabing suspek ay empleyado rin sa local governtment unit (LGU) ng Balingasag nitong lalawigan.
Bukod kay Roa, naaresto rin ng pulisya ang kasama niyang sina Arnold Maquinto, security guard, ng Tagoloan nitong lalawigan; at Ruben Estopa, residente ng Brgy. Puerto sa syudad.
Sa panayam kay Chief Insp. Lemuel Gonda, hepe ng Operations and Plans Branch ng Cagayan de Oro City Police Office (COCPO), mismong ang team ni Senior Insp. Jophet Paglinawan ang lumusob sa bahay na kinaroroonan ng mga suspek.
Nakuha rin sa pag-iingat ng mga suspek ang baril dahilan upang sampahan din ng kasong illegal possession of firearms. (BETH JULIAN)
