HATAW! D'yaryo ng Bayan hatawtabloid.com
ni Nene Riego
INAMIN ng magaling na young actor na si Alwyn Uytingco na dahil sa matinding trabahong iniatang sa balikat niya bilang title holder sa serye ng Kapatid Network na umeere mula Lunes hanggang Biyernes tuwing 7:00 p.m. tila biglang nagbago ang pananaw niya sa buhay.
“Biglang naging seryoso ako sa trabaho. Naging professional ako in the real sense of the word. Nakakahiya, kasi. Tila ang success o failure ng seryeng ‘Beki Boxer’ ay sa ’kin isisisi. At awa ni Lord, magaganda naman ang comment sa ’kin ng manonood at nagkaroon pa ito ng trending sa social media,” sey ni Alwyn na isang baklitang boksingero ang papel sa dramedy (dramatic comedy) with Christian Vasquez, Candy Pangilinan, Ryan Yllana, John Regala, Claire Ruiz, atbp..
Siyempre, naapektuhan ang love life niya dahil bihira silang magkasama ng dyowang si Jennica Garcia ngayon. ”Mabait si Jen. Kung magkasama kami, she believes na mas importante ang quality time … ‘yung magkasama kami sa pagdalo sa religious services ng aming church, magkatulong kami sa on line business niyang cookies at ibang party goodies para sa tao at alagang pusa o simpleng kumakain lang sa labas,” dagdag ng binata.
Isa pang ikinatuwa niya’y ang pagkakaroon ng magandang katawan (with matching abs!) dahil sa kapapraktis niya ng boksing, kickboxing, taekwando at wrestling. Sa tingin nga nami’y mamang-mama na ang dating niya ngayon.
