HATAW! D'yaryo ng Bayan hatawtabloid.com
ni Rommel Placente
NOONG pareho pa silang nasa pangangalaga ng ABS-CBN 2 ay mas busy at maraming project si Rayver Cruz kaysa kanyang kuya Rodjun. Pero noong mag-decide ang huli na lumipat sa GMA 7, mas naging busy siya kay Rayver.
Sunod-sunod ang mga proyekto niya sa GMA. Pagkatapos nga siyang mapanood sa My Husband’s Lover ay binigyan siya agad ng bagong serye. Bukod pa rito ay kasama rin si Rodjun sa isang Sunday noontime show.
Bale dalawa ang show niya ngayon sa Kapuso Network unlike Rayver na isa lang, ang ASAP 19.
Pagkatapos siyang mapanood sa Bukas Na Lang Kita Mamahalin na pinagbidahan nina Cristine Reyes at Gerald Anderson ay hindi pa ulit siya binibigyan ng serye ng Kapamilya Network. Unlike Rodjun na may follow-up serye agad.
Paano naman kasi, sa totoo lang, mas mahusay umarteng ‘di hamak si Rodjun kaysa nakababatang kapatid niya. Wala naman kaming against kay Rayver, kaya lang ‘yun naman talaga ang totoo. ‘Di ba Leo Dominguez?
