HATAW! D'yaryo ng Bayan hatawtabloid.com
ni James Ty III
TAPOS na ang botohan para sa 100 Sexiest Women ng sikat na magasing FHM at ayon sa latest na botohan, mukhang numero uno pa rin si Marian Rivera ngayong taong ito.
Naging mabenta kasi ang dalawang cover ni Marian sa nasabing magasin at lalo siyang sumeseksi dahil sa kanyang bagong dance show sa GMA.
Kung mananalo si Marian, ito na ang ikatlong beses niyang nanguna sa botohan ng FHM na isang sukatan para sumikat ang isang artistang babae.
Samantala, hindi kami pabor sa paglagay ng Marian tuwing Sabado sa Kapuso Network. Mas bagay ito sa Linggo dahil magandang pantapat sana ito sa The Voice Kids ng ABS-CBN at Who Wants to be a Millionaire ng TV5.
Imbes ay naglagay ang Siete ng mga movie na dubbed sa Tagalog tulad noong Linggo na isang pelikula ni Jessica Alba ang inilagay ng GMA para itapat sa mga kalaban.
