Pugante tiklo sa baril

ISANG pugante mula sa Leyte ang naaresto ng pulisya nang mahulihan ng baril habang nakikipagkuwentuhan sa isang barangay sa Valenzuela City, iniulat kahapon.

Kinilala ni Valenzuela City Chief of Police Sr. Supt. Rhoderick Armamento, ang suspek na si Reynald Homerez, 33, isang pintor at pansamantalang nakatira sa Area 4, Sitio Pinalagad, Barangay Malinta, Valenzuela City.

Napag-alaman, isinumbong ng isa sa kanyang kakuwentuhan ang suspek na may nakasukbit na baril sa baywang kaya sa pagresponde ng mga pulis ay inaresto ang suspek.

Nakuha sa suspek ang isang pen gun na walang papeles.

Nang siyasatin ang rekord ni Homerez, nadiskbbre na takas pala siya mula sa Leyte Municipal Jail na mahigit dalawang taon na ang nakararaan dahil sa kasong illegal possession of firearm.