HATAW! D'yaryo ng Bayan hatawtabloid.com
TINIYAK ni Sandiganbayan Associate Justice Samuel Martires na magiging patas siya sa paghawak sa kaso ni Senate Minority Leader Juan Ponce-Enrile na may kaugnayan sa pork barrel scam.
Ayon sa mahistrado, hindi siya magpapadala sa pressure ng public opinion o maging ng media.
Si Martires ay miyembro ng Sandiganbayan Third Division na siyang may hawak sa kasong plunder at graft na kinakaharap ni Enrile.
Nangako si Martires sa sarili na babasahin ang lahat na mga dokumentong ebidensiya sa kaso kahit umabot pa ito ng ilang libo.
Habang ayon sa abogado ni Enrile na si Atty. Estelito Mendoza, kanilang inaasahan na magiging patas sa kaso ang korte. (HNT)
