HATAW! D'yaryo ng Bayan hatawtabloid.com
ITINAKDA sa Agosto ang simula ng pre-trial sa kasong physical abuse na isinampa ng aktres na si Claudine Barretto sa nakahiwalayang mister na si Raymart Santiago.
Ito ay makaraan naghain ng not guilty plea si Santiago sa pagdalo sa arraignment kahapon.
Naniniwala ang aktres na may patutunguhan ang isinampa niyang kaso laban sa aktor.
Una rito, halos magkasabay na dumating sa korte sina Claudine at Raymart ngunit dahil sa gag order ay hindi pa maaaring magkomento ang dalawa tungkol sa nasabing kaso.
Samantala, ibinida ng aktor na binati siya ng ama ni Claudine nang magkita sila sa korte.
Aniya, “Alam naman kasi niya ang totoo, at ‘yun na lang. Kung totoong ginawa ko ‘yun, sa tingin mo ba babatiin ako ng mga magulang?”
Una rito, lumabas sa resolusyon ng Marikina City Prosecutor’s Office na may probable cause ang reklamong isinampa ni Barretto na dalawang beses siyang sinaktan at inabuso ng dating mister.
