AKCUPI dog shows sa Hunyo 22

Ang Asian Kennel Club Union of the Philippines (AKCUPI) ay magtatanghal ng kanyang ika-60 at ika-61 International All-Breed Dog Shows sa Linggo, Hunyo 22 sa Tiendesitas, Pasig City.

Ang shows ay huhusgahan ng dalawang batikang international dog show judges na sina Il Sub Yoon ng Korea at Edgardo C. Cruz ng Pilipinas na may kanya-kanyang set ng magwawagi sa mga kategoryang Best Baby Puppy, Best Philippine-born at Best in Show mula sa pitong breed groupings – toy, sporting, hound, terrier, non-sporting, working at herding.

Si Il, isang propesor sa Caninelogy sa Korea, ay may akda ng mga libro tungol sa aso at nagsilbing tagapayo sa Agriculture and Forest Ministry at National Veterinary Research and Quarantine Service at kasalukuyang tagapayo sa Supreme Court ng Korea. Kasalukuyang Chairman ng Judges Committee ng Korean Kennel Club, si Il ay humuhusga sa dog shows simula pa nung 1988 at sinasanay ang mga baguhang dog show judges sa kanyang bansa. Nakapaghusga na siya sa Malaysia, Korea at Pilipinas.

Si Cruz, ang pinakmatagal na naglingkod bilang director ng Philippine Canine Club, Inc. (PCCI), ay naging pangulo ng PCCI nung 2001 at 2005 at naging chairman ng Corporate Show Committee. Sa loob ng dalawang taon naging chairman siya ng Affiliated Clubs Committee kung saan sumanib sa PCCI ang affiliated clubs. Sa kasalukuyan, si Cruz ang vice president ng AKCUPI at chairman ng Affiliated Clubs Committee. Naglingkod siya bilang chairman ng Judges Licensing Committee at humusga rin siya ng dog shows sa Spain, Japan, Korea at Malaysia. Nakapagtapos ng Psychology mula sa Ateneo de Manila University, si Cruz ay charter member at naging pangulo ng Rotary Club of Greenhills.