Yagbols sapol sa shotgun ng kaibigan (Binatilyo napisak sa palpak na jack)

BACOLOD CITY – Minalas na tamaan sa kanyang ari ang isang lalaki sa naganap na shooting incident kamakalawa ng gabi sa Bacolod City.

Kinilala ang biktimang si Reymund Babor, 20, residente ng Brgy. Bata, Bacolod City.

Batay sa imbestigasyon, dakong 8:15 p.m. nang magkaroon ng komosyon ang biktima at ang hindi pinangalang kanyang kaibigan.

Binaril ng suspek ng 12-gauge shot gun ang biktima ngunit minalas na ang kanyang ari ang tinamaan ng mga bolitas ng bala.

Ang biktima ay nilalapatan ng lunas sa Corazon Locsin Montelibano Memorial Regional Hospital. (BETH JULIAN)

Binatilyo napisak sa palpak na jack

CEBU CITY – Patay ang isang menor de edad makaraan madaganan ng inaayos na kotse sa loob ng shop sa Brgy. Dumlog, Lungsod ng Toledo, Cebu, kamakalawa.

Kinilala ang namatay na si Rolly Sigar, 16-anyos, residente ng nasabing lugar.

Ayon sa Toledo City Police Office, pinapalitan ng biktima ang gulong ng inaayos na kotse dakong 8pm ngunit bigla na lamang nasira ang jack na nakasuporta.

Nakahingi pa ng tulong ang biktima sa mga kasamahan ngunit hindi na umabot nang buhay sa pagamutan.

(BETH JULIAN)