Lloydie, walang imposibleng pangarap!

 ni Roldan Castro

TARUSH naman nina  Angelica Panganiban at John Lloyd Cruz dahil may advance celebration na sila sa Phuket Thailand bago pa man sumapit ang birthday ni JLC sa June 24.

Kahit anong mga intriga ang pinagdaraanan nila at natsitsismis si Lloydie na may ibang nakaka-date umano, napatutunayan nila na matatag ang kanilang relasyon.

Sa Instagram Account ni Angelica may  caption siya habang magkasama sila  ni JLC.

Naglagay siya ng quotation ni  Izaak Walton. “Good company in a journey makes the way seem shorter”.

Sinundan niya ito ng, “Thank you  Idan for  a wonderful vacation. Sabi ko nga sa iyo sa yacht, hindi pumasok sa isip ko, o hindi ko pinangarap na makasakay ng private yacht, dahil alam kong imposible kaya ‘di  na ako nag-attempt mangarap ng malala pero nangyari siya. Tinutupad mo ang mga bagay na  hindi ko man lang sinubukang pangarap. Advance happy birthday labidad!! I lablab you!!!#ayphuket”

Ang sweet naman. May oras ang dalawa na magbakasyon dahil Banana Split: Extra Scoop at Banana Nite ang itine-taping ni Angel samantalang Home Sweetie Home naman tuwing Sabado si John Lloyd.

Hindi pa rin naman regular ang shooting niya  ng movie nila nina Gretchen Barretto, Jessy Mendiola, at Richard Gomez kaya  may time pa silang gumala.

Talbog!