3 rider lasog sa van

BASAG ang bungo at bali ang katawan ng magkapatid nang mabangga ang kanilang motorsiklo sa kasalubong na van habang sugatan ang isa pa sa barangay Lalo, Tayabas, Quezon, kamakalawa.

Magka-angkas sa boxer motorbike na walang plaka ang mga biktimang sina Bienvenido, 42, at Benny Quingking, 34, kapwa ng Gumamela St., Roxas District, Quezon City, nang mawalan nang control at sumalpok sa kasalubong na Nissan Urvan van na may plakang WOJ-115 at minamaneho ni Roberto Salamat , ng Lopez, Quezon.

Tumilapon ang magkapatid at nabagok ang ulo na kanilang agad na ikinamatay habang sugatan naman ang driver ng van na ngayon ay nasa Tayabas Community hospital.

Samantala, patay ang isang lalaki at sugatan ang apat nang magbanggaan ang tatlong sasakyan sa Barangay Bulua, Cagayan de Oro City.

Naputulan pa ng paa at namatay ang biktimang si Jerwin Victoria Camahulan.

Mabilis ang takbo ng Honda CRV na may plakang KTV-761 na sumalpok sa motorsiklo ni Camahulan kaya napuruhan siya.

Kasunod nabangga ng CRV ang motorsiklo ni Reyno Angelo Rosario, 25, ng Barangay Nazareth at nasugatan.

Sugatan din ang driver ng CRV na si Imee Dabuet at ang kasama niyang si Erika Salcedo ng Barangay Kauswagan.

Sinabing nasa impluwensiya ng alak si Dabuet.

(RAFFY SARNATE)