MPD PCP chief sinibak sa maruming CR (Wala pang isang linggo)

TINANGGAL sa pwesto ni MPD District Director, Chief Supt. Rolando Asuncion si S/Insp. Manny Israel, ang hepe ng Don Bosco Police Community Precinct ng MPD Station 1 sa R-10, Tondo, Maynila makaraan ang sorpresang inspeksyon sa kanyang nasasakupan kahapon.

Paliwanag ni Asuncion, marumi  ang loob ng estasyon kabilang na ang comfort room na hindi kaaya-aya para sa mga magtutungo roon.

Bukod kay Israel, kasama rin sa tinanggal ang 13 tauhan ng PCP dahil pawang may bigote at balbas, na tahasang paglabag sa tamang-bihis ng isang pulis.

Ang mga sinibak ay itinalaga sa District Public Safety Batallion sa MPD Headquarters.

Ang ipinalit ni Asuncion kay Israel ay si Chief Insp Ariel Caramoan.

(LEONARD BASILIO)