HATAW! D'yaryo ng Bayan hatawtabloid.com
HINIHINALANG dahil sa karamdaman sa puso kaya nagbigti ang isang 68-anyos matandang dalaga sa Pasay City kahapon ng madaling-araw.
Natagpuan na wala nang buhay si Ofelia Almazar, ng 51 Maryluz St., Brgy. 137, Zone 13 ni Rolando Tiosen, 53, sa ikalawang palapag ng bahay ng biktima dakong 1:40 a.m.
Ayon kay Tiosen, lumabas siya ng kanyang kuwarto upang magtungo sa comfort room, pagbukas niya ng ilaw sa ikalawang palapag ng bahay ay nakita niya ang nakabitin na biktima.
Habang sinabi ni Raquel dela Peña, huli niyang nakitang buhay ang hipag kamakalawa dakong 9 p.m. sa tapat ng Pasay City General Hospital nang magpa-check-up dahil sa paglaki ng puso.
Lagi aniyang idinadaing ng biktima ang madalas na pagsumpong ng kanyang sakit sa puso kaya nahihirapan huminga.
Posibleng hindi na nakayanan ng hipag ang kanyang sakit kaya nagpasyang wakasan ang buhay ayon kay Dela Peña.
Gayon man, walang nakuhang suicide note ang mga awtoridad sa lugar ng insidente.
(JAJA GARCIA)
