HATAW! D'yaryo ng Bayan hatawtabloid.com
ni Roldan Castro
UMAAPELA ang fans ni Sarah Geronimo kung bakit ibinigay kay Bea Alonzo ang titulong Movie Queen? Dapat daw ay gawin din siyang reyna dahil naka-tatlong box office queen na ang dalaga sa Guillermo, tapos nag-hit pa ang huling pelikula nila ni Coco Martin.
Kung sabagay kung noon ay may Susan Roces at Amalia Fuentes, may Nora Aunor at Vilma Santos na reyna ng mga pelikula, sa bagong henerasyon swak naman na may Bea at Sarah, ‘di ba?
Pero isa pang isyu ngayon ay kung mahahabol ba ni Sarah ang kita ng pelikula nila ni Coco ang kinita ng movie nina Piolo Pascual at Toni Gonzaga? Bagamat kumikita ang pelikula nila, maging sapat na ba ito para hindi maagaw ni Toni ang koronang Box Office Queen?
Medyo malabo na raw na makagawa ulit ng pelikula si Sarah na ipalalabas ngayong taong ito kaya dahil sa rami niyang commitments, so, may posibilidad na mag-reyna ngayon si Toni.
Pero kalahati pa lang naman ng taon, marami pang puwedeng mangyari kaya abangan na lang natin, huh!
