HATAW! D'yaryo ng Bayan hatawtabloid.com
CAGAYAN DE ORO CITY – Masusing iniimbestigahan ng pulisya ang apat na batang lalaki na sinasabing responsable sa gang-rape sa 5-anyos batang babae sa bayan ng Tagoloan, Misamis Oriental.
Inihayag ni Insp. Maricris Mulat, hepe ng Tagoloan Police Station, batay sa inisyal na imbestigasyon, dalawa sa mga suspek ang posibleng nakagalaw sa nasabing biktima.
Nangyari aniya ang gang rape habang naglalaro ng bahay-bahayan ang biktima at mga suspek, at pwersahang ipinanood sa batang babae ang sex video sa cellphone.
Sa kasagsagan ng panonood ng malaswang palabas ay sinimulan na rin ng siyam taon at 10-anyos na mga suspek ang panggagahasa sa paslit.
Inihayag ng biktima, dalawa sa mga suspek ang humawak sa kanya habang dalawa ang nagsagawa ng panggagahasa.
Natigil lamang ang ginagawa ng mga suspek nang maabutan ng mismong ina ng biktima kaya agad ipinahuli sa pulisya ang apat na batang lalaki.
Ngunit inamin ni Mulat na wala silang maisampang kahit anong kasong kriminal dahil pawang mga menor de edad ang mga sangkot na suspek sa krimen.
Bagama’t hahanap pa rin aniya sila ng paraan para managot ang mga suspek kaugnay sa kinasangkutang krimen.
HATAW News Team
