HATAW! D'yaryo ng Bayan hatawtabloid.com
DAGUPAN CITY – Patay sa pamamaril si Mayor Ernesto Balolong, Jr., dakong 9:15 a.m. kahapon sa Rizal St., Brgy. Poblacion, Urbiztondo, Pangasinan.
Ayon sa paunang imbestigasyon, bukod kay Balolong, dalawang iba pa ang namatay habang may ilang bystanders ang nasugatan.
Sakay ng van ang mga suspek nang paulanan ng bala ang alkalde na nagkataong nag-i-inspection sa lugar na pagdarausan sana ng kanilang ika-25 wedding anniversary ngayong araw na isasabay sa kasal ng anak na si Councilor Voltair Balolong.
Tinamaan ang biktima ng 22 bala ng baril sa iba’t ibang bahagi ng katawan na naging dahilan nang agaran niyang pagkamatay.
Si Mayor Balolong ay nahaharap sa kasong administratibo.
Dalawang beses na siyang ipinasuspinde ng Sangguniang Panlalawigan ng Pangasinan dahil sa kasong administratibo ngunit ibinasura ng Malacañang.
Napag-alaman din na si Balolong ay kasapi ng administration Liberal Party (LP).
