Parada ng mga sikat sa GRR TNT

ISA na namang katangi-tanging panoorin ang hatid ng programang  Gandang Ricky Reyes Todo Na Toh (GRR TNT) ngayong Sabado, 9:00-10:00 a.m. sa GMA News TV.

Kakapanayamin ni Mader Ricky ang world class beader-designer na si Amir Sali (kasama ni RR sa kalakip na larawan). Dahil sa artistikong paggawa niya ng mga damit ay sumikat siya ‘di lang dito sa sariling bayan kundi pati sa ibang bansa.

Si Amir ang gumawa ng wedding gown ni Korina Sanchez nang ikasal ito kay DILG Sec. Mar Roxas. Suki rin niya si KC Concepcion na kapag may importanteng sosyala’y tiyak na siya ang nagdidisenyo. Malalaman ding ang mga ginang ng mga royalty sa KSA (Kingdom of Saudi Arabia) ay kostumer ni Amir.

Ipakikilala sa programa ang isang grupo ng mga kabataang naispatan ni Mader sa isang kasayahan. Ito’y ang mga batang imbes na magsayang ng oras ay nagtayo ng grupong Square One.

Tutukan ang pagsayaw at pag-awit ng mga bulilit rakista sa GRR TNT.

Make Over Magic Like No Other ang hatid ni RR sa mga taong namroroblema sa buhok tulad ng pagkalagas, pagnipis, at pagkakalbo.  Sa ating beauty guru, walang imposible.

Basta mga sikat, sa GRR TNT na prodyus ng ScriptoVision sila itatampok.  Basta problemang pangkagandahan, si Mader ang may lunas.

At sa kanyang programa pinararangalan ang mga nangunguna sa iba-ibang larangan. At ang bonus pa’y mga payong pangkalusugan tulad ng nakukuhang benepisyo sa food supplements tulad ng MX3 capsule, tea and coffee at Acai Berry juice na galing sa USA.

Maaari ring sumulat o mag-email ng problema kay Mader.  Magugulat na lang kayo at biglang matutupad ang inyong mga kahilingan at pangarap.