HATAW! D'yaryo ng Bayan hatawtabloid.com
NAGDAGDAG ang San Mig Super Coffee ng dalawa pang mga bagong manlalaro sa pamamagitan ng trade para palakasin ang tsansa nitong makuha ang Grand Slam ngayong PBA Governors Cup.
Nakuha ng Coffee Mixers ang serbisyo nina Ronnie Matias at Yousef Taha mula sa Globalport kapalit nina Val Acuna at Yancy de Ocampo.
Inilipat naman ng Batang Pier sina Nico Salva at Bonbon Custodio patungong Barako Bull kapalit ni Ronjay Buenafe at isang second round draft pick.
Inaasahang lalaro na sina Matias at Taha para sa San Mig kontra Alaska bukas samantalang sasabak na sa Globalport sina Buenafe, De Ocampo at Acuna kontra Talk n Text na lalarga rin bukas din.
Lalaro na rin sina Salva at Custodio para sa Barako kontra Globalport sa Linggo sa Binan, Laguna.
Samantala, sinibak na ng TNT si Rodney Carney bilang import at kinuha ni coach Norman Black si Paul Harris bilang kapalit.
(James Ty III)
