HATAW! D'yaryo ng Bayan hatawtabloid.com
ni Roldan Castro
NATATAWA na lang daw si Willie Revillame sa na may magandang ugnayan sila ni Danita Paner.
“Si Tita Daisy (Romualdez) ang girlfriend ko,” pagbibirong reaksiyon ng kontrobersiyal at matulunging TV host.
Si Tita Daisy ay ina ni Danita. Minsan daw ay nagpunta sila kay Willie sa Tagaytay kasama ang mga anak niya dahil noon pa sila magkaibigan ni Willie. Malaki naman ang tiwala ni Tita Daisy kay Wil lalo’t sinabi niya na walang malisya ang closeness nila ni Danita.
Kung sakaling ligawan naman daw ni Willie si Danita at sagutin ito, hindi naman daw kokontra si Tita Daisy. Mahirap daw pigilan ang dalawang taong nag-iibigan.
Samantala, bilib kami kay Willie dahil lagi pa rin siyang pinag-uusapan kahit halos walong buwan nang wala siyang regular na TV show. Para siyang lalaking Nora Aunor o Vilma Santos na bawat sabihin at gawin ay talk of the town. Kumbaga, hindi nalalaos.
Patunay lamang ‘yung huling guesting ni Willie sa Startalk. Halos lahat ng tabloids, naging laman siya at pinatulan talaga siya. Mahal talaga siya ng masa at iba ang karisma niya sa mga televiewer. Kahit ang mga senior citizen ay nami-miss na siya para magbigay ng kaligayahan sa telebisyon.
So, hindi naman tayo bibiguin ni Kuya Wil dahil nararamdaman na ang nalalapit niyang pagbabalik sa telebisyon.
‘Yan ang abangan!!!
