Aktor/TV host, baon na sa utang sa casino (Dahil sa laki ng ipinatalo)

HOW true ang tsikang nakarating sa atin na sobrang namroroblema itong si aktor/TV host lately dahil sa laki ng natalo sa kanya sa pagsusugal. Nangyari umano ito sa Solaire Resort and Casino.

Kaya ang siste, lumipat siya ng ibang mapagsusugalan, this time, sa Resorts World Manila naman siya. Eh, ‘di niya alam, mas grabe pa pala ang mangyayari sa kanya.

Paano naman daw, ayon sa mole na nagtsika sa atin, nakipag-deal ito sa isang jueteng/gambling lord. Kumbaga tandem sila nito sa paglalaro. Ang kaso, hindi niya namalayan na umabot nap ala sa P5-M ang natatalo sa kanya. Kasi naman, makipagsabayan o hindi nagpatalo sa pagtaya ng gambling lord. Kaya ayun, butata siya.

At kaya raw lalong nabaon sa utang ang aktor/TV host, binigyan ito ng credit line ng casino kaya sige lang ito sa pagtaya. Ang narinig naming ay umabot na sa P500-M plus ang utang nito.

At heto pa ang dagdag na tsika, hindi pa nakuntento si aktor/TV host dahil balitang gusto pa nitong sumama sa Macau para roon naman mag-casino.

Naku, kapag hindi nagbago ang aktor/TV host na ito, malamang mawala ang lahat ng pinaghirapan niya. Sayang naman.

(Hataw News Team)