HATAW! D'yaryo ng Bayan hatawtabloid.com
ARESTADO ang 33-anyos lalaki na itinuturong lumasing bago gumahasa sa 17-anyos estudyante sa Gagalangin, Tondo, Maynila, iniulat kahapon.
Kinilala ang suspek na si Ryan del Rosario, ng 637 Sunog Apog St., Gagalangin, Tondo, na hawak na ng Women’s and Children’s Desk ng Manila Police District habang itinago sa pangalan ang biktimang si Maria, 17, residente ng Tondo.
Ani Supt. Virgilio V. Villoria, pinuno ng MPD Raxabago PS1, naganap ang panghahalay ng suspek sa biktima noong Mayo 28 sa bahay ng suspek, dakong 2:00 p.m.
Nabuking ang panghahalay ng suspek dahil sa walang tigil na pagdurugo ng kaselanan ng biktima kaya’t dinala ng kanyang mga magulang sa ospital upang ipasuri.
Habang nasa ospital, nagtapat ang biktima na siya ay nilasing ng suspek at saka hinalay.
Agad nagsuplong sa pulisya ang ina ng biktima kaya kumilos ang grupo ni Insp. Romeo Estabillo na nagresulta sa pagkaka-dakip sa suspek.
Ipaghaharap ng paglabag sa Republic Act 8353 (rape) in relation to Republic Act 7610 (anti-child abuse law) sa Manila City Prosecutor’s Office si Del Rosario.
(leonard basilio)
