Ruffa, iba raw siyang mommy kina Venice at Lorin

ni Rommel Placente

AYON kay Ruffa Gutierrez, hindi raw siya tulad ng kanyang inang si Anabelle Rama bilang mommy ng kanyang dalawang anak na sina Venice at Lorin. Ang mommy daw kasi niya hindi nakikinig sa explanation o pangangatwiran niya.

“Kung ano ang gusto niya, ‘yun ang gagawin niya. Parang martial law, ‘di ba?” natatawang sabi ni Ruffa sa isang interview sa kanya.

“Ako naman gusto ko ‘yung mga anak ko maging mabait sa akin. Gusto ko maging relax sila na mag-open-up sa akin, tungkol sa mga problema nila especially mga babae sila. I think I’m doing a good job, so far,” aniya pa.

“Like noong Mother’s Day si Lorin, ‘yung eldest ko sumulat sa akin, sabi niya, ‘Mommy ito ‘yung mga qualification na gusto ko para sa next boyfriend mo,’ ‘yung ganoon. Sabi ko, okey, very matured na sila.”

Ano ba ‘yung mga qualification na gusto ni Lorin sa susunod na makakarelasyon niya?

“Ay, ayaw niya nang nag-i-smoke. Kasi baka raw mahawa ako, magka-cancer ‘yung asawa ko, mamatay daw ako bigla. At dapat daw ay mamahalin sila and a good leader. Kasi nakita naman nila na I’m a dad and a mom to both of them for so many years. So, if ever na kukuha nga naman ako ng isang tatay o step dad para sa kanila, kailangan siya naman ang mag-lead sa amin.”