Paano kumilatis ng Playboy?

Dear Francine,

Nakatatlong boyfriend na ako since I was 19, ngayong 27 na ako dapat mas alam ko na kumilatis ng lalaki kaso lahat ng naaattract ako puro playboy pala walang gusto ng commitment. Paano ba malalaman kung playboy ang isang guy at para maiwasan na, ang daming paasa.

RONA

 

Dear Rona,

Sa totoo lang nagugulat na rin ako sa mga bagong henerasyon ngayon, bonus nalang yung hitsura at ugali, ang hinahanap nila ngayon ay kung sino ang malandi, mas malandi mas maraming maaakit. Nakakatakot.

Marami na akong naging kaibigan na playboy, yung iba kaibigan ko pa rin hanggang ngayon, may mga naging ex-boyfriend ako na dating mga playboy.

Heto ang ilang mga katangian meron ang isang playboy na lalaki:

1. Una, kung makatingin sa’yo parang kulang nalang ay kanin at uulamin ka na.

2. Mahilig umamoy ng buhok, ilang lalaki na ang napansin kong mahilig gumawa nito at sila ay kadalasang mga playboy. Pero ginagawa nila ‘to sa babaeng attracted sila at sa hair follicles kasi natin lumalabas ang tinatawag na Pheromones o kemikal na narirelease at nagkakaroon ng sexual arousal ang nakakasagap nito.

3. Ang intimacy ninyo ay nangyayari lang kapag kayong dalawa lang magkasama pero kapag namasyal kayong dalawa, halos parang ayaw ka niyang tabihan, at halos hindi ka ipakilala sa mga kaibigan niya kapag nakasalubong ninyo sila.

4. Ang lalaking playboy ay palaging busy, may gagawin kapag ikaw ang nagyayaya dahil busy siya sa iba pa niyang nilalandi, at parang ‘by appointment only’ ang pakikipagkita sa’yo.

5. Sa unang date palang ay masyado nang mapisikal, mahilig humawak sa’yo at punung-puno ng mabubulaklak na pananalita, dahil ang lalaking seryoso ay magiging matiyagang kilalanin ka.

6. Sa tuwing maguusap kayo ay parang iba ang mga sinasabi niya sa mga bagay na naitanong at naisagot mo na noon.

7. Kung mas maraming attractive na babae sa facebook friends niya at nagkocomment pa ng mga sweet messages. Alam na!

Iyan ay ilan lamang sa napakaraming katangiang makikita mo sa lalaking playboy. Ang importante ay maenjoy mo muna ang pagiging single, darating din ang lalaking magiging loyal at honest sa’yo nang hindi mo napapansin. Good luck!

Love,

Francine

***

Try Me! Sa mga problema ninyo sa Love, Pamilya, Sex at Relasyon, nandito ako handang sagutin base sa aking sariling opinyon, paniniwala at naresearch. Nasa sa inyo pa din kung ano ang susundin ninyo, ako ay option lamang. You can email me [email protected]