HATAW! D'yaryo ng Bayan hatawtabloid.com
ni Dominic Rea
MAAGANG dumating sina Mr. Johnny Manahan at Ms. Mariol sa katatapos na house blessing para sa bagong bahay ni Daniel Padilla last Wednesday. Halatang excited din na makita ni Mr. Manahan ang mga pinaghirapan ng kanyang anak-anakang si Daniel na ang binata at inang si Karla mismo ang nag-tour sa kanila sa buong bahay.
Galing mismo kay Daniel ang katagang “buo na sa wakas Tito Dom,” nang tanungin ko ito kung anong pakiramdam niya ngayong may sarili na silang bahay at hindi na nangungupahan.
Ayon naman sa kapatid pa ni Daniel na si JC Padilla, “hindi na nagkakakitaan, kapagod ang akyat panaog sa hagdan,” naman ang naging litanya nito sa akin na masayang-masaya rin sa naging achievements ng kanyang Kuya Daniel.
Kahit si Karla ay nangingilid ang luha during the said blessing. Ramdam ko lang din ang sayang nararamdaman ni Karla dahil ito naman talaga ang pinangarap niya mula pa noon na hindi niya naibigay sa kanyang mga anak kundi si Daniel na ang nagbigay nito sa kanya.
Nasa house blessings din ang ilang kaibigan ng pamilya tulad ng Star Magic, Star Records, Star Cinema, at ASAP Family kasama ang ilang malalapit ding kaibigang artista nina Karla at Daniel.
Sunshine, nakabili na ng bahay dahil sa sunod-sunod na project sa Dos
IBINALITA sa akin mismo ng kumareng Sunshine Cruz na walang nanliligaw sa kanya ngayon. Meaning, loveless siya at nanindigang masaya na siya sa pagiging single mom at walang jowa.
Nabatid ko rin na hindi na pala matutuloy si Sunshine sa paggawa ng project sa bakuran ng GMA 7 dahil nag-umpisa na siyang mag-taping ng Pure Love sa Dos.
Speaking of Dos, dahil pala sa sunod-sunod na proyekto ni Sunshine rito ay nakapag-ipon at nakabili na rin siya ng sariling bahay huh. Importante ang loyalty at inamin nitong napakalaking bagay sa kanya ang ABS-CBN!
