Gulo ng mag-amang Maegan at Freddie, ‘wag nang patulan

ni ED DE LEON

HANGGANG ngayon, ang sinasabi pa rin ni Maegan Aguilar ay ayaw na niyang makipagkasundo pa sa tatay niya, ano man ang sabihin ng kanilang mga kaanak.

Kung kami ang tatanungin, huwag na siyang pilitin kung talagang ayaw na niya. Siguro mainit pa ang ulo niyan dahil sa nangyayari. Huwag na rin namang palakihin pa ang mga usapan. Huwag nang patulan kung ano man ang maaaring sabihin nila tungkol sa isa’t isa. Problema naman talaga iyan ng pamilya nila na sila ang dapat umayos. Hindi naman iyan isang public issue.

May mga nagkakampihan pa, pero alalahanin ninyo, magkakaanak iyan. Baka dumating ang isang araw na magkasundo-sundo ulit ang mga iyan, kung sino pa ang kumakampi sa kanila ngayon, iyon pa ang lalabas na masama.